💜💚
Bo día familias!
Lembrade que desde hoxe as notas finais están dispoñibles na aplicación abalarMóbil (consultade na páxina do cole o horario para visualizalas, por mor de saturación). E que o 22 de xuño realizarase a devolución dos libros de préstamo. Calquera información que precisedes a podedes atopar na páxina do colexio.
O curso chegou ao final e agora é tempo de gozar...
Desexámosvos que desfrutedes do verán: bailade, brincade, sorride... porque despois de tanto esforzo o tedes ben merecido.
E como é moi importante que non perdades a rutina de traballo, para comezar o vindeiro curso coas pilas ben cargadas, estas son as nosas recomendacións.
RECOMENDACIÓNS PARA O VERÁN
-Ler cada día un pouquiño.
-Escribir un diario das vosas aventuras de verán.
-Suxerimos que merquedes un cuadernillo de repaso dos contidos traballados ao longo do curso (apuntamos dous, para que elixades o que máis vos guste):
VACACIONES SUPERRATÓNICAS, 4º de Primaria, Gerónimo Stilton.
MISIÓN VACACIONES, 4º de Primaria, Tea Stilton.
O prezo de cada un é de 9,95 euros. Podedes atopalos nas librarías que están preto do colexio.
-A maiores, se queredes na memoria USB dos vosos/as nenos/as tedes actividades de repaso de cuarto.
-Para traballar a materia de Lingua galega podedes ler un libro en galego. A biblioeusebio recoméndavos os seguintes (para velos mellor consulta a páxina da biblioteca):
Por último, dicirvos que foi un pracer poder compartir dun xeito diferente estes últimos meses e quixeramos darvos as grazas por estar sempre á altura, a pesares da difícil situación que todos e todas vivimos.
"Lembra, o importante reside no corazón"
Debuxo: Andrea Insua Salgueiro
"Es preciso sacudir enérgicamente el bosque de las neuronas cerebrales adormecidas; es menester hacerlas vibrar con la emoción de lo nuevo e infundirles nobles y elevadas inquietudes"
Santiago
Ramón y Cajal
As
titoras de Cuarto de Primaria 💚💜☆
Moitísimas grazas polo voso esforzo. Unha aperta moi grande
ResponderEliminar